ທາດຝຸ່ນ-ທາດຈອມເພັດ ເມືອງຄູນ ແຂວງຊຽງຂວາງ

ທາດຝຸ່ນ-ທາດຈອມເພັດ ເມືອງຄູນ ແຂວງຊຽງຂວາງ

ທີ່ເມືອງຄູນ ແຂວງຊຽງຂວາງ ເປັນທີ່ຕັ້ງຂອງ “ທາດຝຸ່ນ” ທາດທີ່ຖືກຕັ້ງຊື່ຈາກຝຸ່ນຂີ້ເຖົ່າ ເຊິ່ງຕາມຕຳນານທ້ອງຖິ່ນໄດ້ເລົ່າວ່າ ທາດເຈດີນີ້ເປັນທີ່ຮັກສາໄວ້ຊາກສົບຂີ້ເຖົ່າຈາກການເຜົາສົບຂອງພຣະພຸດທະເຈົ້າ ເພາະໄປເອົາກະດູກຂອງພຣະພຸດທະເຈົ້າຢູ່ທີ່ປະເທດອິນເດຍບໍ່ທັນ ເລີຍໄດ້ແຕ່ຝຸ່ນຂອງເພິ່ນມາ ແລ້ວນຳມາສ້າງໄວ້ໃນພຣະທາດ

ແຕ່ໃນໄລຍະສົງຄາມ ທາດຝຸ່ນກໍເອງເຄີຍ

ຖືກທຳລາຍຈາກການປຸ້ນສະດົມເພື່ອຊອກຫາສິ່ງມີຄ່າ ຖືກເຈາະເປັນຮູກວ້າງ ແລະ ໄດ້ຜົນກະທົບຈາກລະເບີດໃນສະໄຫມສົງຄາມອິນດູຈີນຄັ້ງທີສອງ ແຕ່ຫຼ້າສຸດທາດຝຸ່ນ ກໍໄດ້ຮັບການສະໜັບສະໜູນໃນການບູລະນະຕົວພຣະທາດໃນປີ 2018  ທີ່ຜ່ານມາ ເພື່ອປົວແປງຖານຂອງພຣະທາດ

ໃນສ່ວນຂອງທາດຈອມເພັດ ເຊິ່ງກໍເປັນອີກທາດໜຶ່ງທີ່ຕັ້ງຢູ່ບ່ອນດຽວກັນກັບທາດຝຸ່ນ ຫ່າງກັນພຽງເທົ່າຮ້ອຍແມັດ. ພຣະທາດນີ້ຖືກເອີ້ນວ່າ “ທາດຈອມເພັດ” ກໍຍ້ອນວ່າ ເມື່ອກ່ອນໃນຈອມຂອງທາດນັ້ນຖືກປະດັບດ້ວຍເພັດ ພ້ອມໃນສິ່ງທີ່ຄ່າຢູ່ພາຍໃນມທາດ ແຕ່ໃນຊ່ວງສົງຄາມ ພວກຫໍ້ກໍໄດ້ມາເຈາະເອົາສິ່ງທີ່ມີຄ່າແລະເພັດຈາກຈອມພຣະທາດນັ້ນໄປ ເຮັດໃຫ້ພຣະທາດດັ່ງກ່າວມີລັກສະນະຖືກປະປ່ອຍຄືດັ່ງໃນຮູບແຕ່ນັ້ນມາ

ເຊິ່ງແນວໃດກໍຕາມ, ມາໃນປີ 2021 ເຫັນວ່າທາດຝຸ່ນທີ່ເຖິງຈະໄດ້ຮັບການບູລະນະແລ້ວ ແລະ ທາດຈອມເພັດທີ່ຖືກປະປ່ອຍຈົນຊຸດໂຊມ ຄວນຈະຕ້ອງໄດ້ຮັບການປັບປຸງຢ່າງຮີບດ່ວນ ເພື່ອບໍ່ໃຫ້ພຣະທາດຊຸດໂຊມຫຼາຍກວ່ານີ້ ເຊັ່ນວ່າ: ປະຕິສັງຂອນທາດຄືນໃຫມ່ ໂດຍອັດຮູທາດທີ່ຖືກຄວັດເຈາະ ແລ້ວຄວັດດິນ, ຫຍ້າທີ່ລາມທົ່ວພຣະທາດ ທັງນີ້ກໍເປັນການແນໃສ່ປົກປັກຮັກສາ ແລະ ສ້າງສະຖານທີ່ດັ່ງກ່າວເປັນອີກຈຸດຊົມວິວຂອງຕົວເມືອງເມືອງຄູນ

ຂໍ້ມູນ:  ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຊຽງຂວາງ

#Lao #Xiengkhouang #ລາວທ່ຽວລາວ