Xiengkhouang 2021

  “ຖຳ້ປິວ” ສະຖານທີ່ຈາລຶກທີ່ເກີດຈາກໂສກນາດຕະກຳຖຳ້ປິວ ເມື່ອ 53 ປີກ່ອນ, ໃນວັນທີ 24 ພະຈິກ ປີ 1968 ທີ່ຖຳ້ປິວ ເມືອງຄຳ ແຂວງຊຽງຂວາງ ໄລຍະນັ້ນເຊິ່ງເປັນໄລຍະສົງຄາມ ມື້ນັ້ນ ໄດ້ມີເຄື່ອງບິນຈາກສົງຄາມໄດ້ຍິນລູກສອນໄຟເຂົ້າໃນຖຳ້ປິວ ອັນໄດ້ເປັນການເຂັນຂ້າປະຊາຊົນທີ່ລີ້ໄຟໃນຖຳ້ເສຍຊີວິດໄປທັງໝົດ 374 ຄົນ. ດັ່ງນັ້ນ, ໃນວັນທີ 24 ພະຈິກ ຂອງທຸກໆປີຈຶ່ງໄດ້ກາຍເປັນວັນຈາລຶກ ແລະ ໄຫວ້ອາໄລເຖິງດວງວິນຍານຂອງພໍ່ແມ່ປະຊາຊົນຜູ້ບໍລິສຸດ ເຮັດໃຫ້ຖຳ້ປິວ ຖຳ້ທີ່ຜູ້ຄົນລີ້ໄພໃນສົງຄາມໃນໄລຍະນັ້ນ ກາຍເປັນສະຖານທີ່ຂອງເຫດການ “ໂສກນາດຕະກຳຖຳ້ປິວ” ທີ່ປັດຈຸບັນໄດ້ກາຍເປັນສະຖານທີ່ຈາລຶກເຫດການດັ່ງກ່າວ ພ້ອມທັງເປັນບ່ອນໄຫວ້ອາໄລເຖິງພໍ່ແມ່ປະຊາຊົນທີ່ເສຍຊີວິດ  ປັດຈຸບັນ ພາຍໃນຂອບເຂດບໍລິເວນສະຖານທີ່ຖຳ້ປິວ ນອກຈາກຕົວຖຳ້ທີ່ນັກທ່ອງທ່ຽວສາມາດເຂົ້າໄປເບິ່ງແລ້ວ ຍັງມີຫ້ອງວາງສະແດງໂສກນາດຕະກຳຖຳ້ປິວ ທີ່ວາງສະແດງຮູບພາບແລະມີຂໍ້ມູນໃຫ້ນັກທ່ອງທ່ຽວໃຫ້ໄດ້ຮຽນຮູ້ ເພື່ອໃຫ້ເຂົ້າໃຈກ່ຽວກັບຄວາມເປັນໄປຂອງຖຳ້ດັ່ງກ່າວອີກດ້ວຍ ຂໍ້ມູນ: ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຊຽງຂວາງ #Lao #Xiengkhouang #ລາວທ່ຽວລາວ

   ວັດເພຍວັດແຫ່ງເມືອງຄູນ ອະດີດເມືອງເອກແຫ່ງຊຽງຂວາງ   ຫ່າງຈາກເມືອງຫຼັກເມືອງໂພນສະຫວັນ ແຂວງຊຽງຂວາງ ປະມານ 32 ກິໂລແມັດ ເປັນທີ່ຕັ້ງຂອງວັດເພຍວັດ  ວັດແຫ່ງນີ້ຖືກສ້າງຂຶ້ນໃນສະຕະວັດທີ 14 ຢູ່ກາງເມືອງຄູນ ໃກ້ໆກັບທາດຝຸ່ນ ແລະ ທາດຈອມເພັດ    ວັດແຫ່ງນີ້ມີຮູບປັ້ນພຣະພຸດທະຮູບຂະໜາດໃຫຍ່, ພຣະອົງຕື້ ແລະ ເສດຊາກຂອງເສົາສິມເປັນຮ່ອງຮອຍຄວາມສະຫງ່າຂອງວັດເພຍວັດ ເຊິ່ງໃນຊ່ວງສະຕະວັດທີ 19 ວັດເພຍວັດໄດ້ຖືກໂຈນປຸ້ນສະດົມ ແລະ ຖືກທຳລາຍຢ່າງໜັກ ທີ່ເຂົ້າມາບຸກລຸກຊອກຫາວັດຖຸທີ່ມີຄ່າ ໃນປີ 1953 ຈາກສົງຄາມອິນດູຈີນຄັ້ງທີ I ນັ້ນໄດ້ສົ່ງຜົນໃຫ້ພຣະພຸດທະຮູບໃຫຍ່ໄດ້ຖືກທຳລາຍ ເຊິ່ງໃນປີຕໍ່ມາປະຊາຊົນຈຶ່ງໄດ້ສ້າງວັດຄືນໃໝ່ ແລະ ມາຮອດໄລຍະສົງຄາມອິນດູຈີນຄັ້ງທີ II, ຕຶກອາຄານໄດ້ຖືກລະເບີດທຳລາຍຢ່າງໜັກ ຍັງຄົງເຫຼືອໄວ້ແຕ່ພຣະພຸດທະຮູບ, ເສົາຂອງສິມ ແລະ ຝາຈຳນວນໜຶ່ງດັ່ງທີ່ເຮົາເຫັນຮູບນັ້ນ ໃນສ່ວນຂອງສິລະປະ ແລະ ສະຖາປັດຕະຍະກຳຂອງວັດເພຍວັດນັ້ນ ຕົວຂອງສິມວັດແຕ່ກ່ອນຈະມີ 8 ເສົາຫຼັກທີ່ຄຳ້ຊູຫຼັງຄາທີ່ມຸງສິມ ທີ່ມີຊໍ່ດອກບົວຕົບແຕ່ງຂ້າງເທິງ ມີລວດລາຍດອກກີບທັງໝົດ ລວມທັງດອກໄມ້ກຳລັງບານ ແລະ ກີບດອກໄມ້ຮູບເພັດ ດ້ານຂອງຮູບປັ້ນພຣະພຸດທະຮູບນັ້ນ ກໍມີຄວາມນູນສູງ, ພຣະອົງຕື້ນັ່ງຖານບົ...

ທາດຝຸ່ນ-ທາດຈອມເພັດ ເມືອງຄູນ ແຂວງຊຽງຂວາງ ທີ່ເມືອງຄູນ ແຂວງຊຽງຂວາງ ເປັນທີ່ຕັ້ງຂອງ “ທາດຝຸ່ນ” ທາດທີ່ຖືກຕັ້ງຊື່ຈາກຝຸ່ນຂີ້ເຖົ່າ ເຊິ່ງຕາມຕຳນານທ້ອງຖິ່ນໄດ້ເລົ່າວ່າ ທາດເຈດີນີ້ເປັນທີ່ຮັກສາໄວ້ຊາກສົບຂີ້ເຖົ່າຈາກການເຜົາສົບຂອງພຣະພຸດທະເຈົ້າ ເພາະໄປເອົາກະດູກຂອງພຣະພຸດທະເຈົ້າຢູ່ທີ່ປະເທດອິນເດຍບໍ່ທັນ ເລີຍໄດ້ແຕ່ຝຸ່ນຂອງເພິ່ນມາ ແລ້ວນຳມາສ້າງໄວ້ໃນພຣະທາດ ແຕ່ໃນໄລຍະສົງຄາມ ທາດຝຸ່ນກໍເອງເຄີຍ ຖືກທຳລາຍຈາກການປຸ້ນສະດົມເພື່ອຊອກຫາສິ່ງມີຄ່າ ຖືກເຈາະເປັນຮູກວ້າງ ແລະ ໄດ້ຜົນກະທົບຈາກລະເບີດໃນສະໄຫມສົງຄາມອິນດູຈີນຄັ້ງທີສອງ ແຕ່ຫຼ້າສຸດທາດຝຸ່ນ ກໍໄດ້ຮັບການສະໜັບສະໜູນໃນການບູລະນະຕົວພຣະທາດໃນປີ 2018  ທີ່ຜ່ານມາ ເພື່ອປົວແປງຖານຂອງພຣະທາດ ໃນສ່ວນຂອງທາດຈອມເພັດ ເຊິ່ງກໍເປັນອີກທາດໜຶ່ງທີ່ຕັ້ງຢູ່ບ່ອນດຽວກັນກັບທາດຝຸ່ນ ຫ່າງກັນພຽງເທົ່າຮ້ອຍແມັດ. ພຣະທາດນີ້ຖືກເອີ້ນວ່າ “ທາດຈອມເພັດ” ກໍຍ້ອນວ່າ ເມື່ອກ່ອນໃນຈອມຂອງທາດນັ້ນຖືກປະດັບດ້ວຍເພັດ ພ້ອມໃນສິ່ງທີ່ຄ່າຢູ່ພາຍໃນມທາດ ແຕ່ໃນຊ່ວງສົງຄາມ ພວກຫໍ້ກໍໄດ້ມາເຈາະເອົາສິ່ງທີ່ມີຄ່າແລະເພັດຈາກຈອມພຣະທາດນັ້ນໄປ ເຮັດໃຫ້ພຣະທາດດັ່ງກ່າວມີລັກສະນະຖືກປະປ່ອຍຄືດັ່ງໃນຮູບແຕ່ນັ້ນມາ ເຊິ່ງແນວໃດກໍຕາມ, ມາໃນປີ 2021 ເຫັນວ່າທາດຝຸ່ນທີ່ເຖິງຈະໄດ້ຮັບການບູລະນະແລ...

ຈາກປີ 2019 ທີ່ທົ່ງໄຫຫີນ ໄດ້ກາຍເປັນແຫຼ່ງມໍລະດົກໂລກຂອງອົງກອນອຸຍເນັດໂກແຫ່ງທີ 3 ຂອງປະເທດລາວ ຖັດຈາກເມືອງຫຼວງພະບາງ ແລະ ວັດພູຈຳປາສັກ ກໍຍິ່ງເພີ່ມຄວາມດຶງດູດນັກທ່ອງທ່ຽວທັງພາຍໃນແລະຕ່າງປະເທດມາຢ້ຽມຢາມຫຼາຍຂຶ້ນ ແລະ ມີຈຳນວນລົດລົງໃນຊ່ວງຕົ້ນປີ 2020 ເນື່ອງຈາກໂຣກລະບາດໂຄວິດຈົນມາປັດຈຸບັນ  “ທົ່ງໄຫຫີນ” ເປັນຫີນທີ່ມີລັກສະນະເປັນຮູບຊົງຕັ້ງຢູ່ເປັນກຸ່ມ ປະກອບມີໄຫຫີນທັງໝົດ 1,325 ໜ່ວຍ ຕັ້ງລຽນຢັ່ງຢາຍສະຫງ່າງາມຢູ່ບໍລິເວນພື້ນທີ່ຕອນເໜືອຂອງສາຍພູຫຼວງ. ທົ່ງໄຫຫີນດັ່ງກ່າວ,ແຕ່ລະກຸ່ມຈະປະກອບມີຕັ້ງແຕ່ໜຶ່ງຮ້ອຍຫາສີ່ຮ້ອຍກວ່າໜ່ວຍ ສ່ວນຫຼາຍແມ່ນຕັ້ງຢູ່ຕາມຈຸດໂນນພູ, ເນີນພູ ແລະ ສັນພູ ຕາມປະຫວັດສາດແລ້ວ, ພື້ນທີ່ບໍລິເວນທົ່ງໄຫຫີນນີ້ເຄີຍເປັນເສັ້ນທາງລຳລຽງທີ່ສະດວກສະບາຍສຳລັບການຄ້າ ເຊິ່ງເລີ່ມຕັ້ງແຕ່ອ່າວຕົງແກງຜ່ານເຂົ້າໄປແຜ່ນດິນໃຫຍ່ຂອງທະວີບອາຊີຕາເວັນອອກສ່ຽງໃຕ້ ຈົນກາຍເປັນສ່ວນໜຶ່ງຂອງເສັ້ນທາງການຄ້າທີ່ເຊື່ອມຕໍ່ລະຫວ່າງອະລິຍະທຳອັນເກົ່າແກ່ຂອງລາວ, ໄທ, ຫວຽດນາມ ກັບວັດທະນະທຳຕ່າງໆຈາກດິນແດນທີ່ຫ່າງໄກ ອະລິຍະທຳດັ່ງກ່າວໄດ້ສ້າງໄຫຫີນ ແລະ ອານາຈັກພວນ ທີ່ຄັ້ງໜຶ່ງເຄີຍຈະເລີນຮຸ່ງເຮືອງຢູ່ເທິງທີ່ຕັ້ງຂອງທົ່ງໄຫຫີນແຫ່ງນີ້ ເຊິ່ງປັດຈຸບັນເປັນດິນແດນຂອງຊຽງຂວາງ ເຊິ່ງການກຳເນີດ ແລະ ສິ້ນ...